Жазғы маусымдағы тәуекел факторлары және төтенше жағдайларда қауіпсіз жүріс-тұрыс дағдылары

Колледжде «Ветеринария» мамандығының 11 тобының студенттеріне кураторлық сағат өткізілді. Тақырыбы: Жазғы маусымдағы тәуекел факторлары және төтенше жағдайларда қауіпсіз жүріс-тұрыс дағдылары.

Мақсаты: Білім алушылардың жазғы маусымда жеке қауіпсіздігіне жауапкершілікпен қарауын қалыптастыру және төтенше жағдайларда дұрыс жүріс-тұрыс дағдыларын дамыту.

Міндеттері: Жазғы маусымдағы негізгі тәуекел факторларымен таныстыру; қауіпсіз жүріс-тұрыс ережелерін еске салу; төтенше жағдайларда әрекет етуге үйрету; өзін-өзі бақылау және жауапкершілік дағдыларын дамыту.

Жаз — демалыс, серуендеу және саяхат уақыты, бірақ осы кезеңде қауіпсіздікті есте сақтау маңызды. Жазда күн өту, судағы апаттар, өрттер және жол-көлік оқиғалары қаупі артады.

Ыстық ауа райында бас киім кию, көбірек су ішу және күн астында ұзақ болмау қажет. Тек рұқсат етілген жерлерде шомылу керек, алысқа жүзіп кетпеу және балаларды қараусыз қалдырмау қажет.

Көшеде жол жүрісі ережелерін сақтау, жолдан өткенде және велосипед немесе самокат теуіп келе жатқанда мұқият болу маңызды. Сондай-ақ отпен ойнауға, ересектерсіз от жағуға және құрғақ шөпті өртеуге болмайды.

Төтенше жағдайларда сабыр сақтау, тез арада ересектерге хабарлау және қажет болғанда жедел қызметтерге қоңырау шалу қажет:

• 101 — өрт сөндіру қызметі;
• 102 — полиция;
• 103 — жедел жәрдем;
• 112 — құтқару қызметі.

Есіңізде болсын: қауіпсіздік ережелерін сақтау денсаулық пен өмірді сақтауға көмектеседі.

#ЖаздағыЖекеҚауіпсіздік

#ЛичнаяБезопасностьЛетом